Lokol Musik New Release - Stanley Mete & Saka Sarapera

Lo Namba 3 oktoba 2009 Stanley Mete mo Saka Sarapera wetem help blo Alcina Charlie mo June Atapo, oli bin lonjem namba 2 albam blong tufala, we hemi kirivanua. Stanley mo Saka i blonh Mele Village. Fes albam blong tufala i bin launch long 2008. Nambatri albam bae oli jes infomem yumi long hem se bae i lanch lo wanem yea. Tufala i bin go stap one manis lo New Caledonia. Insaed lo albam ya i gat 15 trak everiwan. Main singer lo albamm ya emi stanley, hemi prgramem ol music mo saka nao i play guitar mo nukalele lo hem. Long albam ya i gat mix music lo hem, olsem reggae, zouk, rock n roll mo fullap mo.

Ol sing sing lo albam ya hemi ol covered song nomo blo ol popula artist blo wol olsem, UB40, Stevie Wonder, D.R, Chuck Berry, Elvis Presley, Beatles, Islands, Bob Marley, Guilou, Dire Strait, Wet wet wet, Saphir, Kevin Little, Smoke, Black Brothers. Tufala i bin recod lo Alize studio long New Caledonia. Project blong albam ya hemi blong George Peraldie we hem nao owna blong studio. Tufala i bin mekem wan conrak blong producem 3 albam. 1 CD i hemi 2750 vt, i stap sell nao ya lo New Caledonia mo Vanuatu. Yu save go long Jean Marc Wong, Redley long Sound Center mo yu save luk Stanley nomo,hemi tu wan lo olgeta we I stap salem CD blong karem wan copi blo yu.